شعر نبطي - قصيدة صدى همس - الشاعر محمد البلاهدي

[~ روقـآن ~]

شعر نبطي - قصيدة صدى همس - الشاعر محمد البلاهدي

.
.
.

صدى همس

.
.
..

انوي على ...! واسمع صدى همس الأحلام=كنه يعاتبني على ما نويته
يا ما ابتعدت عن الليالي والأيام = ويا ما قتلت الحلم .. يا ما بكيته
عشت التناقض لين حققت الأوهام= وفكرت فالواقع .. ونمت و نسيته
مطلق سراح .. ومنتظر حكم الإعدام = لا ذقت موت .. ولا ش عمرٍ حييته
ماني يتيم .. وعشت بإحساس الأيتام = حزني .. من الدمع الحزين استقيته
أسمع سوالفهم عن أحكام الإسلام= والدين في طبوع البشر ما لقيته
متوجسٍ حتى من أنواع الأقلام =كتبت حلمي وارتبكت و محيته
أناظر أخلافي وأنا أسير قدام = حتى وصلت لموقعٍ ما نغيته
أشغلت تفكيري .. وريحت الأقدام = اعرف مدى دربي وأنا ما مشيته
غرست غرسي عمد فحقول الألغام = لا احدٍ .. يقول أني سرحت و جنيته
أنا لي أنفاسٍ ترفرف بالأعلام= وأن مرني بعض السحاب احتديته
لن طاح حلم .. وعاثر الحظ ما قام = أنكرت غبن .. وقلت أنا ما اشتهيته
أنا الذي .. صاروا له أحبابه أخصام = هارب .. و هو مسجون .. في ركن بيته

.
.
.
..

محمد البلاهدي

.
.
.



م/ن

[أماني الحياة]

يسلموا على النقل

وصح لسان شاعرها وناقلها

[رغم العناء ابقى أنا]

يسلمو على النقل